Vajza e politikanit serb Nikola Sanduloviç, Klara është ndaluar nga policia serbe në kufi në Merdar pasditen e sotme pak orë pasi bëri homazhe te kompleksi memorial “Adem Jashari” në Prekaz.
Kryetari i Partisë Republikane Serbe ka thënë se vajzës së tij nuk i është lejuar kthimi në Serbi. Sanduloviç ka shkruar se vajza e tij po persekutohet nga regjimi diktatorial i presidentit serb, Aleksandar Vuçiç.
“Regjimi diktatorial i Aleksandar Vuçiçit vazhdon ta persekutojë vajzën time, Klarën. Policia po e mban atë dhe zyrtarët e Partisë Republikane në pikëkalimin kufitar të Merdarit dhe nuk po i lejojnë të hyjnë në Serbi”, ka shkruar ai.
Të atin ia masakroi BIA! Vajza e Sanduloviçit homazhe te varrezat e familjes Jashari
