Tirana arriti të përmbyste sfidën përballë Kukësit në transfertë, duke rrëmbyer një fitore me shifrat 2-3.
Verilindorët nisën sfidën në mënyrën më të mirë të mundshme, u duk se trajneri Çela donte një debutim me fitore. Ishte Salami në minutën e 15’ që kaloi në avantazh vendasit, por pas një gabimi të portierit Tafas, Latifi rivendosi baraspeshën në minutën e 28’.
Dragoshi do të rikthente në avantazh vendasit në minutën e 39-të, duke mbyllur pjesën e parë në shifrat 2-1.
Pjesa e dytë pa sistemin VAR të kthehej në protagonist absolut. Në minutën e 69’, ishte Abazaj që nuk gaboi nga pika e bardhë e 11-metërshit, pas një prekje të topit me dorë nga ana e Dragoshit.
Në minutën e 89’, ishte i sapofuturi Patrik, i cili ktheu në gol penalltinë që e fitoi po vetë.
Kështu Tirana shkon në kuotën e 33 pikëve, duke u ngjitur momentalisht në vendin e tretë, ndërsa Kukësi vazhdon në vendin e parafundit me 19 pikë.
