Ditën e sotme në Pogradec një 31-vjeçar u arrestua teksa po kujdesej për bimët narkotike në vendin e quajtur ‘Uji i Ftohtë’ në fshatin Tallë.
31-vjeçari me iniciale Danjel Skënderi banues në fshatin Çermë-Sektor, Divjakë merrej me kultivimin e bimëve narkotike.
Rreth 610 bimë narkotike kanabis sativa u asgjësuan me anë të djegies.
Në cilësinë e provës materiale u sekuestrua 1 armë gjahu dhe municion luftarak.
Ndërsa po vijojnë hetimet për identifikimin e personave të tjerë të përfshirë në këtë aktivitet.
Ndërkohë materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë për veprime të mëtejshme.
