Në Katmandu kanë shpërthyer protesta të fuqishme kundër qeverisë së vendit. Protestuesit janë përleshur me policinë dhe u kanë vënë zjarrin disa ndërtesave.
Kryeministri KP Sharma Oli dha dorëheqjen pas protestave të dhunshme kundër korrupsionit në rritje në vend. Sapo protestuesit mësuan lajmin për dorëheqjen e Kryeministrit, ata shfaqën gëzimin e tyre brenda Parlamentit që i kishin vënë flakën.
Ata mbanin pankarta në duar, teksa nga godina e Parlamentit dilte tymi i flakëve.
“Ne fituam”, shkroi një protestues me shkronja të mëdha në murin e godinës së Parlamentit.
