Presidentja e Kosovës, Vjosa Osmani, ka udhëtuar në Selinë e Shenjtë, ku do të zhvillojë takime të rëndësishme.
Gjatë vizitës, ajo do të pritet nga Papa Leo XIV në Pallatin Apostolik dhe do të takohet me Kardinalin Pietro Parolin, Sekretarin e Shtetit të Vatikanit.
Po ashtu, Osmani do të vizitojë Bazilikën e Shën Pjetrit dhe do të organizojë një pritje fundviti në Misionin e Posaçëm të Kosovës në Vatikan, ku do të mblidhen përfaqësues të Selisë së Shenjtë dhe diplomatë.
Vizita ka si qëllim forcimin e marrëdhënieve ndërmjet Kosovës dhe Selisë së Shenjtë.
