Deputeti i ri i PD-së, Besart Xhaferri me anë të një video postimi në rrjetin e tij facebook ka reagur lidhur me protestën e sotme të qytetarëve para Kryeministrisë, kundër projektit për ndërtimin rezidencial në Zvërnec të Vlorës.
Në reagimin e tij Xhaferri shprehet se ky vend nuk mund të dorëzohet përpara banditizmit e frikës si dhe sot është momenti të tregojmë kush është sovrani i vërtetë.
‘Shqipëria e shqiptarëve, vdekje tradhtarëve’/ Protestë para Kryeministrisë!
Postimi i Xhaferrit
Mbështes protestën e qytetarëve për ngjarjen e rëndë të dhunës në Zvërnec!
Inkurajoj çdo faktor shoqëror, çdo qytetar të lirë dhe çdo zë publik të ngrihet përballë padrejtësisë dhe dhunës.
Ky vend nuk mund të dorëzohet përpara banditizmit dhe frikës.
Sot është momenti të tregojmë kush është sovrani i vërtetë në këtë vend, kujt duhet t’i shërbejë policia dhe kujt i përket shteti apo pushteti: qytetarëve të lirë, ligjit dhe rendit demokratik!
