Protestës së zhvilluar në Tiranë kundër qeverisë dhe ndryshimeve ligjore që prekin zonat e mbrojtura iu bashkua edhe një qytetar nga Kosova.
Nga foltorja e ngritur nga vetë protestuesit, ai përcolli një mesazh mbështetjeje për qytetarët shqiptarë, duke i inkurajuar të vijojnë qëndresën dhe të mos heqin dorë nga kërkesat e tyre.
“Kam ardhur nga Kosova për t’ju thënë se nuk jeni vetëm në këtë betejë. Mos u dorëzoni dhe mos hiqni dorë nga kauza që keni nisur. Vetëm duke rezistuar mund të arrini ndryshimin që kërkoni. Kosova është pranë çdo protestuesi dhe mbështet çdo përpjekje për mbrojtjen e interesave të qytetarëve dhe të pasurive kombëtare. Qëndroni të bashkuar, sepse vetëm kështu zëri juaj do të dëgjohet,” u shpreh ai para protestuesve.
