Ndeshja miqësore mes Shqipërisë dhe Luksemburgut, e planifikuar të luhet në orën 20:00 në “Arenën Kombëtare”, nuk do të ketë praninë e grupimit “Tifozët Kuqezi”. Ata kanë vendosur të bojkotojnë sfidën dhe t’i bashkohen protestës qytetare që po zhvillohet në Tiranë kundër qeverisë.
Përmes pranisë së tyre në tubim, grupimi ka zgjedhur të mbështesë protestën, e cila ka hyrë në ditën e shtatë. Krahas tyre, protestës i janë bashkuar edhe figura të tjera nga bota e sportit në Shqipëri.
Tubimet kundër qeverisë po vijojnë në Tiranë dhe qytete të tjera, ndërsa pjesëmarrësit kërkojnë ndryshime politike dhe anulimin e projekteve që kundërshtohen nga aktivistët dhe qytetarët.
