Ditën e sotme Presidenti i UEFA-s, Aleksandër Ceferin vizitoi Tiranën pas debatit Duka-Veliaj për zgjedhjet dhe tritolit që iu vendos në hyrje të shtëpisë Presidentit të FSHF-së.
Kreu i qeverisë së futbollit europian takoi jo vetëm Dukën, por edhe kryeministrin e Shqipërisë Edi Rama.
Në takimin me kryeministrin, SuperSport shkruan se Edi Rama “i ka dhënë garanci kreut të UEFA-s se do të mbështesë futbollin dhe nuk do të ketë më ndërhyrje politike në vazhdimësi, duke nënkuptuar dhe ndërhyrjen deri tani në politikës mbi procesin zgjedhor”.
Për këtë arsye, dy zyrtarë të lartë të UEFA-s do të qëndrojnë në Tiranë dhe do të monitorojnë procesin zgjedhor për të raportuar dhe në qeverinë e futbollit europian mbi ecurinë e tij dhe ndërhyrjet e jashtme.
Vizita, edhe pse vetëm 6 orë, ishte një mesazh i UEFA-s për mbështetjen ndaj institucionit që drejton futbollin në Shqipëri.
/5pyetjet.al
