Barcelona ka fituar ndaj Napolit në transfertë me rezultat 4-2 në stadiumin “Diego Armando Maradona” në ndeshjen e vlefshme për fazën play-off të Ligës së Evropës.
Goli i parë erdhi në minutën e 9-të, kur asistimin e Adama Traores e ktheu në gol Jordi Alba. Vetëm katër minuta më pas ishte Frenkie de Jong që shënoi për 2-0. Insigne ngushtoi përkohësisht rezultatin, pasi skuadra e Xavi-t shënoi edhe dy herë të tjera, me Pique dhe Aubameyang. Goli i dytë për Napolin që vlejti vetëm për statistika u shënua nga Politano 3 minuta para fundit.
Ndeshja e para mes dy skuadrave në Barcelonë kishte përfunduar 1-1 dhe tashmë janë katalanasit që fitojnë të drejtën për të kaluar në fazën e ardhshme të këtij kompeticioni.
