“5pyetjet.al” mëson detaje të reja nga ngjarja e ndodhur pasditen e sotme në Shkodër.
Një person duke lëvizur me biçikletë pas një debati ka qëlluar më armë zjarri në drejtim të një grupi fëmijësh që ishin duke lozur.
Fatmirësisht nuk ka asnjë të lënduar, plumbat kanë kapur vetratën e një lokali.
Ngjarja ka ndodhur në afërsi të shkollës “28 nëntori”, në qendër të qytetit të Shkodrës.
Personi, i cili lëvizte me biçikletë, është afruar pranë vendit të quajtur “Lapidari” ku po rrinin fëmijët dhe pas shkëmbimit të disa fjalëve në rrethana të paqarta, ka qëlluar me armët në drejtim të tyre.
Ky person ka goditur edhe me qytën e pistoletës një nga fëmijët dhe u largua me biçikletë. Policia është vendosur në ndjekje të tij.
