Opozita vijon që të jetë më e përçarë se kurrë. Pasditen e sotme në ceremoninë e betimit të Presidentit të ri, Bajram Begaj, ndryshe nga urdhri i Sali Berishës, dy deputetët Bujar Leskaj dhe Ina Zhupa që janë rreshtuar krah tij, e thyen duke shkuar në parlament.
E ndërsa nga Leskaj nuk kishte asnjë reagim për të sqaruar se cila ishte arsyeja që theu urdhrin, Zhupa u shpreh se e kishte detyrim kushtetues dhe për këtë kishte njohur edhe vetë Sali Berishën.
Nga selia e PD-së deri tani ka vetëm heshtje. Ende nuk ka asnjë qëndrim për dy deputetët dhe nëse do të ketë ndëshkim.
Në total 24 ishin deputetët e opozitës që morën pjesë sot në betimin e Presidentit të ri, Bajram Begaj, pjesa dërrmuese e grupit të Enkelejd Alibeajt.
