Presidenti i ri, Bajram Begaj ka zhvilluar ditën e sotme takimin e parë me ambasadoren e SHBA-ve, Yuri Kim.
Begaj përmes një statusi në Facebook ka shtuar se partneriteti me SHBA-të është i paçmueshëm dhe do të ketë zhvillime të më tejshme të rëndësishme.
“Partneriteti i SHBA dhe Shqipërisë është më i vlefshëm në forcimin e demokracisë dhe prosperitetit. Takimi i parë si President me ambasadoren amerikane Yuri Kim hap rrugën drejt angazhimit të mëtejshëm në zhvillimin e miqësisë mes dy vendeve.” ka shkruar Begaj.
Në ceremoninë për emërimin e Begaj, Kim nuk ka qenë e pranishme.
Nga ana tjetër dhe Yuri Kim e ka falënderuar për bashkëpunimin.
“Urime sërish president Bajram Begaj dhe faleminderit për udhëheqjen dhe angazhimin tuaj të fortë ndaj partneritetit mes SHBA dhe Shqipërisë! Krah për krah”, shkruan Kim.