Pas një operacioni të policisë për drogë në rezidencat e vjetra të studentëve në Universitetin Politeknik në Zografou, ka mbetur i plagosur me armë një shqiptar.
Policia greke bën të ditur se një shtetas shqiptar ka sulmuar me kaçavidë një efektive policie, e cila ka reaguar duke e qëlluar atë me armë në këmbë.
Shtetasi shqiptar është dërguar në spital. Sipas mediave greke, ai jetonte në një nga rezidencat studentore së bashku me të vëllanë, i cili gjithashtu është arrestuar.
Në këtë operacion të policisë janë vënë në pranga 9 persona.