Eliminimi i Uruguait në fazën e grupeve në Kupën së Botës Katar 2022 vijon të kryqëzojë lojtarët, të cilët ende presin të dinë dënimet që do t’i nënshtrohen pas disa incidenteve në fundin e ndeshjes Gana-Uruguaji (0-2).
Sulmuesi i Valencias, Edinson Cavani është një nga lojtarët nën hetim për goditjen me grusht të një nga monitorët e VAR-it në tunel dhe nuk ishte i matur atë natë kur Portugalia humbi ndaj Koresë së Jugut, por të dyja skuadrat kaluan në raundin e 16-të.
Fundi i ndeshjes ishte kaotik, me uruguaianët që kundërshtuan gjyqtarin gjerman, Daniel Siebert, të cilët pretenduan për dy penallti të pa dhëna, një në minutën e 57 (pa u konsultuar me VAR) dhe një tjetër afër fundit të lojës.
Cavani pranon gjestin, por pret sanksion edhe për arbitrin.
“Nëse më dënojnë për goditjen e ekranit, atëherë arbitri, që na përjashtoi nga Kupa e Botës, duhet të arrestohet. Këto janë gabime që nuk mund të bëhen me kaq shumë burime, arbitra dhe video në dispozicion”, tha ai për radion spanjolle, Cadena Ser në Riad.
FIFA po heton Cavanin dhe tre shokët e skuadrës: Giménez, për sulmin ndaj një zyrtari, Godín dhe Muslera për protestat e ashpra ndaj gjyqtarit.
“Sigurisht që një ndëshkim i mundshëm më shqetëson, sepse atëherë do të jem jashtë konkurrencës me klubin tim dhe me kombëtaren. Por këto janë gjëra që ndodhin, mendoni për perspektivën e lojtarit, jo vetëm gjyqtarin apo të tjerët. Ndonjëherë ndjenja e impotencës shkakton reagime të gabuara në nxehtësi”, shtoi ai.
