Policia italiane ka arrestuar një 52-vjeçar shqiptar pasi është kapur me një sasi droge në makinën.
Mediat italiane raportojnë se arrestimi i tij është bërë në zonën e quajtur Sassano.
Pas kontrollit në makinën e tij janë gjetur 23 gr kokainë, materiale të ndryshme për prerjen e drogës, një peshore dhe 750 euro cash që dyshohet se janë përfituar nga trafiku i drogës.
Një pjesë e drogës u gjet në shtëpinë e subjektit, një pjesë tjetër ishte e ndarë në doza brenda karrocerisë së makinës në përdorim.
Nisur nga gjetjet e mbledhura hetimore 52-vjeçari u arrestua dhe iu la masa e sigurisë “arrest shtëpiak”.
