Policia italiane ka arrestuar një shqiptar nën akuzën e vjedhjes së një makine dhe posedimin e një arme zjarri pa leje.
Ngjarja ka ndodhur rreth orës 19:30, më 31 janar në via Modena.
Ndalimi i tij erdhi rastësisht pasi policia rrugore po kryente kontrolle.
Oficerët e policisë vunë re se gjatë ndalimit, shoferi u shfaq nervoz dhe i acaruar dhe ka reaguar ndaj tyre duke i sharë dhe kërcënuar për të mos kontrollohej.
Gjatë kontrollit në makinë, policët gjetën një armë pa leje. Menjëherë shqiptari u dërgua në polici ku është në pritje të gjykimit.
