Një gazetar dhe një kameraman grek janë sulmuar në New Philadelphia, një ditë pas incidenteve të përgjakshme nga huliganët e Dinamo Zagrebit ku mbeti i vrarë një 29-vjeçar, tifoz i AEK.
Mediat greke shkruajnë se gjatë sulmit është thyer edhe një kamerë. Ndërkohë Bordi Drejtues i ESIEA dënoi sulmin.
Dyshohet si ekzekutor i tifozit grek, ndalohet në Kakavijë huligani kroat
“Sot duhet të jetë ditë zie dhe reflektimi. Fatkeqësisht, humbja e fundit e trishtë në ciklin e dhunës së tifozëve nuk duket se e bën askënd të mençur. Në vend të kësaj, dhuna sot drejtohet kundër gazetarëve që mbulojnë ngjarjet. Theksojmë se gazetarët janë të detyruar të informojnë qytetarët nga ana e incidentit, duke i trajtuar me maturi dhe ndjeshmëri bashkëqytetarët tanë, të cilët janë në gjendje zie apo presioni mendor. Kolegët ishin jashtë fushës duke ushtruar funksionin e tyre pa shqetësuar apo provokuar. Sulmi ndaj tyre nuk ka asnjë justifikim”, thuhet në reagimin e tyre.
Ndeshja AEK-Dinamo Zagreb në Greqi, sulme me bomba molotov, humb jetën 29-vjeçari, 96 të arrestuar
