Edi Rama në cilësinë e kryeministrit të Shqipërisë ka dënuar agresionin rus në Ukrainë. Një luftë, tha ai gjatë fjalës në Këshillin e Sigurimit në OKB që ka vrarë mijëra njerëz.
Agresion i paprovokuar. Shqipëria, u shpreh më tej Rama, qëndron në krah të Ukrainës. Ky agresion në zemër të Europës, vijoi më tej ai, nuk mund të jetë vetëm problem i kontinentit të vjetër.
“President Zelensky, jam mirënjohës për praninë tuaj këtu. Kush mund ta përfytyronte jo shumë kohë më parë, që në dekadën e tretë, në shekullin 21, një luftë shkatërrimtare, e nisur nga një anëtare e përhershme të këtij Këshilli, do ta vinte Evropën në rrezik. Kush do të mund ta përfytyronte, që një agresion i pajustifikuar, i paprovokuar, nuk do të dënohej menjëherë botërisht nga të gjitha kombet në OKB” tha ai.
LIVE-Zelensky mirënjohës për Shqipërinë: Rusia ka vrarë mijëra njerëz
Kryeministri Edi Rama tha se pavarësisht se Shqipëria është një vend i vogël gjithnjë do të mbështesë paqen dhe nuk do të lejojë shpërblimin e agresorit. “Të gjithë duhet të luajnë rolin e tyre. Shqipëria është një vend i vogël, mbështetja jonë e vazhdueshme për Ukrainën mund të mos ndryshojë dinamikën në fushëbeteje por kontribuon për të mos shpërblyer agresionin, për të mos pranuar aneksimin dhe për të mos lënë atë që është e qartë të kthehet në diçka të dyshimtë. Ne mund të kemi pikëpamje të ndryshme për mënyrën se si do të shkojmë drejt paqe, pro si mund të kemi mendime të ndryshme mbi atë që është agresori dhe atij që është i agresuari”,-tha kryeministri Rama.
“Mos provoko”! Përplasja e Ramës me Rusinë: Ndalni luftën dhe Zelensky nuk flet-LIVE
