Një automjet i KFOR-it është përfshirë në një aksident mesditën e sotme në fshatin Leshan të Pejës në Kosovë.
Siç mund të shihet edhe nga pamjet, automjeti i KFOR-it është përmbysur dhe këtë lajm e konfirmuar zëdhënësi i Policisë së Kosovës për rajonin e Pejës, Fadil Gashi.
“Për momentin kemi informacion vetëm për aksidentin. Nuk kemi informata për gjendjen e të aksidentuarve,” ka thënë Gashi.
Në fotot e publikuara shihen pjesëtarë të KFOR-it të lënduar rëndë. Sipas zëdhënësit të policisë, aksidenti ka ndodhur sot rreth orës 15:18 minuta.
