Një gjyqtar në Gjykatën e Lartë në Quebec të Kanadasë, ka rrëzuar kërkesën e Shqipërisë për ekstradimin e Ëngjëll Brahimit, i dënuar në vendin tonë me burgim të përjetshëm për vrasjen e një polici dhe djalit të tij 8-vjeçar 20 vite më parë.
“Mos më çoni në Shqipëri!” Vrau policin dhe djalin e tij 8-vjeç, autori i trembet burgimit përjetë
Gjykata kanadeze ka pranuar kërkesën e bërë nga vetë Brahimi, i cili ka kërkuar që të mos ekstradohet në Shqipëri.
Gjykatësi Alexandre Boucher vendosi të enjten se kishte probleme me provat e paraqitura, duke përfshirë se nuk kishte garanci në kërkesën për ekstradim se dëshmitarët nga gjyqi i mbajtur në 2001 janë ende të disponueshëm.
Gjatë gjyqit, e veja identifikoi personin që qëlloi burrin e saj përmes një grupi prej katër fotosh të paraqitura nga policia gjashtë muaj pas vrasjes. Formacioni i fotografive nuk mund të gjendet tani, vuri në dukje Boucher ndërsa jepte vendimin e tij në gjykatën e Montrealit.
Vrau policin dhe djalin e tij 8 vjeç në Fier, kërkohet ekstradimi nga Kanadaja për Ëngjëllin
“Thënë thjesht, formacioni i dhënë (në kërkesën për ekstradim) nuk përputhet me formacionin e përshkruar nga dëshmitarja në dëshminë e saj,” tha Boucher.
“Provat shtesë vërtetuan gjithashtu se formacioni fotografik (i paraqitur gjatë gjyqit në Shqipëri) ishte i pamjaftueshëm.
Ai përmbante vetëm katër fotografi me fotografinë e të dyshuarit që dallohej nga të tjerët.
Dëshmitë janë kaq të dëmtuara dhe kaq të pabesueshme saqë ekstradimi do të ishte një gabim drejtësie,” shtoi ai.
23 vite në arrati! Kush është i tmerrshmi që vrau policin me fëmijën në Fier?
