Mesditën e sotme fermerët e jugut kanë dalë në protestë duke bllokuar me traktorë dhe makina bujqësore aksin rrugor Fier-Lushnjë.
Në kërkesat e tyre blegtorët kërkojnë që shteti ti subvencionojë për prodhimin e tyre pasi produktet që vijnë nga importi shiten më çmim më të lirë se produktet vendase.
“Duam subvencione si Europa”, “respektoni prodhimin vendas” ishin disa nga pankartat e tyre.
Në mënyrë demonstrative, blegtorët nga Lushnja, Fieri, Berati, Kavaja e Vlora derdhën sasi qumështi në rrugë.
