Informacione më të detajuara janë dhënë nga policia e Vlorës në lidhje me ngjarjen e ndodhur në një berberhane ditën e sotme.
Një grup prej 4 të rinjsh të moshave 18 dhe 19-vjeç, u përlesh me një tjetër grup prej 5 të miturish.
“Rreth orës 14:50, në lagjen “1 Maji”, në rrugë, dyshohet se për motive të dobëta, janë konfliktuar fizikisht me njëri-tjetrin, shtetasit K. C., 19 vjeç, F. Sh., 19 vjeç, D. I., 18 vjeç, G. C., 18 vjeç me 5 shtetas të mitur, të moshave 14-16 vjeç.
Shërbimet e Policisë kanë shkuar menjëherë në vendngjarje dhe i kanë shoqëruar të gjitha këta shtetas, në Komisariatin e Policisë Vlorë, për veprime të mëtejshme”, sqaron policia.
Vlorë/ Radha për tek berberi përfundon në sherr mes të miturve, 2 të plagosur
