Është gjetur i vrarë me armë zjarri në Palermo, Angelo Onorato, bashkëshorti i eurodeputetes italiane Francesca Donato.
Viktima u gjet i vdekur në makinën e tij në zonën e Via Ugo La Malfa, bëjnë me dije mediat italiane.
“Ata vranë burrin tim, Angelon”. Kështu është shprehur eurodeputetja Francesca Donato, duke folur me disa miq të cilët e telefonuan për të kuptuar nëse viktima ishte vërtet burri i saj, Angelo Onorato.
Ndërkohë policia dhe hetuesit ndodhen në vendngjarje dhe ka nisur puna për zbardhjen e rastit.
