Zëvendës presidentja e Partisë së Lirisë Erisa Xhixho me anë të një postimi në rrjete sociale flet krizën e çmimeve që ka thelluar shqiptarët.
Xhixho u shpreh se kriza e çmimeve ka thelluar varfërinë e shqiptarëve dhe i ka kthyer në luks ushqimet bazë për pensionistët dhe familjet me të ardhura të ulëta. Ndërsa italianët me të ardhura mujore disafish më shumë i blejnë më lirë produktet e shportës.
Ajo shkruan se hendeku flet për mungesën e shtetit social dhe qeverisjen e korruptuar, e cila sipas saj e ka qytetarin të fundit në listën e prioriteteve.
“Shqiptarët janë të fundit në Europë për fuqinë blerëse dhe për pagën minimale. Janë të fundit për nivelin e pensioneve dhe skemat e ndihmës sociale. Sepse për qeverinë që i drejton, të parët janë klientët e saj, me të cilët ndahen paratë e shqiptarëve të zhytur në varfëri”, shprehet Xhixho.
