Donald Trump kërkon të zhvillojë tre debate presidenciale përpara zgjedhjeve në nëntor.
Ai tha në një konferencë shtypi se shpreson të dalë në debat me zëvendëspresidenten Kamala Harris disa herë përpara se votuesit të fillojnë të votojnë, shkruan CNN.
“Ne do të donim të bënim tre debate. Mendojmë se duhet të bëjmë tre debate”, tha Trump.
Një këshilltar i lartë i Trump dhe një burim i televizionit amerikan ABC News thanë se datat e sakta që Trump ka rënë dakord për debatet janë: 4 shtator me Fox News, 10 shtator me ABC News dhe 25 shtator me NBC News.
