Një 40-vjeçar shqiptar është arrestuar nga policia e Riminit. 40-vjeçari akuzohet për dhunë seksuale, plagosje, rrëmbim, zhvatje, përndjekje dhe shpërndarje të videove seksuale të partneres së tij pasi e filmonte për persona të tjerë.
Një grua e dëmtuar ishte paraqitur ditët e fundit në komisariat duke shfaqur mavijosje të dukshme në fytyrë, si dhe një frakturë të gojës, me dhëmb të thyer. Ajo kishte raportuar para hetuesve se ishte sulmuar nga partneri i saj, pasi ishte takuar me të në hotel dhe nga konsumimi i tepërt i lëndëve narkotike e kishte dhunuar.
Për disa orë ai e mbylli duke e penguar të largohej apo të kërkonte ndihmë dhe e detyroi të kryente marrëdhënie seksuale jashtë dëshirës së saj, sipas medias italiane.
Gjatë hetimeve rezultoi se viktima ishte e nënshtruar totalisht prej disa kohësh nga partneri i saj nën dhunë dhe se i ishin zhvatur 20 mijë euro. Gjithashtu rezultoi se ishte detyruar që të bënte video seksuale, që u shiteshin personave të tretë.
