Deputeti i Partisë Demokratike Agron Gjekmarkaj në fjalën e tij në parlament e cilësoi 11 majin si një farsë zgjedhore, duke denoncuar manipulimin që sipas tij ka shkatërruar besimin në procesin demokratik në Shqipëri.
Gjekmarkaj theksoi se në vend nuk do të ketë më zgjedhje të lira dhe se opozita mbetet i vetmi institucion demokratik legjitim.
Ai akuzoi sistemin e korruptuar që lidh shtetin me pushtetin dhe goditjen politike ndaj Sali Berishës, duke theksuar se kjo është një goditje edhe ndaj historisë dhe idealeve demokratike.
Megjithatë, ai shprehu shpresë për të ardhmen, duke përmendur fitoren e PD në zgjedhjet lokale në Lezhë si një dritë në tunel dhe falënderoi qytetarët për mbështetjen.
