Ish-ministri i Drejtësisë në Maqedoni, Krenar Lloga ka akuzuar qeverinë aktuale VMRO-VLEN-ZNAM për bllokim të qëllimshëm të ndryshimeve ligjore që do të mundësonin dhënien e Provimit të Jurisprudencës edhe në gjuhën shqipe, duke e cilësuar këtë veprim si dëshmi të pafuqisë politike dhe mungesës së vullnetit për zgjidhjen e problemeve reale të shqiptarëve.
Sipas Llogës, Projektligji për ndryshimin e Ligjit për Provimin e Jurisprudencës është dorëzuar në Kuvendin e Republikës së Maqedonisë së Veriut më 24 janar 2024, pas një procesi paraprak të përgatitur institucionalisht nga Ministria e Drejtësisë në kohën kur ai ushtronte funksionin e ministrit.
