Përfaqësues i Lartë i BE-së për Punë të Jashtme dhe të Sigurisë, Josep Borrell për mes një postimi në llogarinë e tij në Twitter ka njoftuar se është sulmuar ambasadori i BE-së në rezidencën e tij në Sudan.
Borrell është shprehur se kjo përbën një shkelje të rëndë të Konventës së Vjenës. Ai shtoi se siguria e personelit diplomatik është përgjegjësi kryesore e autoriteteve sudaneze.
“Pak orë më parë, ambasadori i BE-së në Sudan u sulmua në rezidencën e tij. Kjo përbën një shkelje të rëndë të Konventës së Vjenës. Siguria e ambienteve diplomatike dhe e personelit është një përgjegjësi kryesore e autoriteteve sudaneze dhe një detyrim sipas ligjit ndërkombëtar,” ka shkruar Borrell në Twitter.
