Policia e Elbasanit ka vënë në pranga një 37-vjeçar pasi gjatë kontrolleve të zhvilluara në automjetin e tij u zbuluan të fshehura një armë zjarri kallashnikov dhe municione luftarake.
Gjithashtu në lidhje me këtë rast është arrestuar edhe pasagjeri i cili ndodhej në makinë për moskallëzim krimi.
Policia ka sekuestruar armën e zjarrit dhe municionet. Ngjarja u regjistrua në lagjen “Valas”, Cërrik.
Të arrestuarit janë 37-vjeçari Afrim Zhuka për veprën penale “Mbajtja pa leje dhe prodhimi i armëve, armëve shpërthyese dhe i municionit” dhe 32-vjeçari Armand Kurti.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
