Ambasadori i ringarkuar përkohësisht i BE në vendin tonë, Luigi Soreca, është takuar ditën e sotme me Presidentin Bajram Begaj.
Mësohet se fokusi i diskutimit mes tyre ka qenë procesi i integrimit të Shqipërisë në BE dhe momenti në të cilin ky zgjerim do të ndodhë.
Në njoftimin e delegacionit të BE thuhet se Soreca inkurajon Shqipërinë që të vazhdojë të mbështesë në mënyrë aktive politikën e jashtme, të sigurisë dhe të mbrojtjes të BE-së dhe vlerësoi rolin e Shqipërisë si një aktor konstruktiv rajonal.
“Së bashku me Shqipërinë, ne vazhdojmë rrugëtimin drejt një Evrope më të qëndrueshme, më të sigurt dhe më të begatë,” thuhet në njoftimin e Delegacionit të BE.