Policia e Tiranës ka arrestuar një 29-vjeçar i cili dyshohet për pastrim parash dhe kontrabandë. Gjatë kontrollit në biznesin e 29-vjeçarit me iniciale A.M., i cili operonte në fushën e exchange dhe në argjendari në Fushë Krujë, policia gjeti dhe sekuestroi një shumë prej 100 mijë eurosh në para cash, dyshohet se ishin marrë hua me përqindje.
Gjithashtu në argjendari u zbuluan bizhuteri floriri me peshë 1400.41 gramë dhe vlerë 187,000 euro, të cilat dyshohen të jenë kontrabanduara, pasi nuk ishin të pajisura me fatura blerjeje.
Sipas hetimeve, 29-vjeçari në bahskëpunim me babain e tij A.M., 60 vjeç pastronin para me burime të dyshimta. 60-vjeçari është proceduar në gjendje të lirë për përfshirjen e tij në këto veprimtari kriminale.
Ndërsa materialet procedurale janë referuar Prokurorisë së Tiranës për veprime të mëtejshme.
