Karateisti me origjinë shqiptare është arrestuar pasditen e sotme në Greqi, pasi i është publikuar një video teksa ka dhunuar një mace.
Ai ka qenë i ulur në një nga tavernat në Greqi, kur ka joshur macen e vogël ti afrohej dhe më pas e ka gjuajtur atë me shkelmë.
Në fakt, sipas informacioneve, 30-vjeçari është i etiketuar për drogë dhe është identifikuar nga tatuazhi në këmbë i cili shfaqet në video me abuzimin e maces. Kujtohet se torturimi i kafshëve është një vepër penale dhe dënohet me gjobë deri në 50 mijë euro dhe dënim me burg deri në 10 vjet.
Lajmin për arrestimin e ka bërë të ditur ministri i Mbrojtjes Civile, Takis Theodorikakos . Siç shkruan ai në Facebook: “Pak më parë policia greke arrestoi një person që ka shkelmuar dhe ka hedhur në det një kotele. Dhuna ndaj kafshëve është e papranueshme. Qeveria ka miratuar një ligj të rreptë për të mbrojtur kafshët nga abuzimi, i cili tashmë është në fuqi, por gjithsesi është çështje njerëzimi dhe kulture. Jam thellësisht i trishtuar nga ata që keqtrajtojnë kafshët dhe ata që e tolerojnë atë. I përgëzoj nga zemra ata që e ngritën këtë çështje. Arsyeja tashmë i përket drejtësisë greke”.
