Një aksident me 3 të plagosur ka ndodhur në Itali pasi një autobus që transportonte fëmijë doli nga rruga.
Sipas mediave italiane në autobus ndodheshin gjithsej 41 persona mes tyre fëmijë dhe mësues.
Nga aksidenti kanë mbetur 3 të plagosur, mes tyre dy nxënës 7-vjeçarë dhe drejtuesi i mjetit.
Të 3 të plagosurit janë dërguar në spital pa rrezik për jetën.
Autobusi doli nga rruga në via Tiburtina në kryqëzimin me via di Salone në Romë.
Nuk dihen ende shkaqet e aksidentit, por raportohet se drejtuesi i mjetit është ndjerë keq para se të humbiste kontrollin e mjetit.